Нашата приказна
Мермерот е уметничко дело на природата, а ние сме тука да создадеме дизајн и тоа дело да го оформиме во функционално парче мебел кое ќе го разубави секојдневието во домот. Љубовта спрема благородниот материјал е причината и мотивацијата за почетокот на оваа приказна што ја нарекуваме LuxBox. Изработен локално од специјалисти во областа на природен камен и метална обработка, мебелот на LuxBox се изработува со голема грижа и внимание до најмалите детали. Главната инспирација за името LuxBox се секако главните ликови во оваа приказна – масите кои потсетуваат на мермерни кутии што зрачат луксуз, елеганција, но и спокој од природата. Нашите дизајни се ексклузивни, секое парче мермер е уникатно, секоја шара е единствена и дава деликатен и луксузен изглед на секој ентериер. Нашата цел е да креираме предмети кои се практични и ќе се користат во секојдневието, но истовремено ќе бидат најубавата декорација во вашиот дом.
